Kjære deltakar av Norgesløpet VossaRudl’n 2010!

Takk for sist!

So var me i mål, denne gongen også, og me ynskjer å takka dykk spesielt for at de valde å melde dykk på løpet vårt, eit løp blant 29 andre arrangement akkurat denne datoen.  

Perioden framfor løpet er alltid fylt med hektisk aktivitet, oppdatering av lister og informasjon og ikkje minst forberedelse av område og løyper. For underteikna er det nok litt vemodig at det no er over. Det har vore nokre spanande månadar sett utifrå ein sekretær og ei postkasse sitt synspunkt. Aldri får eg so mange brev, som når me har påmelding til VossaRudl’n J. Kvar dag såg eg med spaning ned i postkassa og kvar dag låg det påmeldingar, fylt med entusiasme, bilete og med kommentarar. No er det atter rekningar som pregar innhaldet i den grøne kassa på stativet.

I startområdet hadde me i sekretariatet, Gunnar Hemre Ringheim og eg, sjangsen til å helsa på kvar og ein av dykk. Men det vart eit heller kort møte, prega av listeretting, startmappeutdeling og god tur. Eg nyttar difor høve her til å takke for smilande deltakarar, som ikkje gremma seg over å måtta stå litt i kø her. Underteikna beklagar også at det var kluss i startlista, der blant anna  starnummer var bytta om. Det er berre ein ting å sei om det; ein får ikkje noko betre ut av ei datamaskin enn det ein skriv inn%85.

Då må vel også fredagskvelden nemnast. Her var nok ikkje det tekniske anlegget på lag med sekretæren, og det viste seg jo til slutt at det var ein ganske enkel sak å løyse. Likevel tykte eg det var utruleg mange, blide og tålmodige sjeler tilstades og som eit ”plaster på såret” kan eg vera behjelpeleg med å få fatt i filmen til dykk som framleis har lyst å sjå den.

At me også hadde sola som sponsor, det var over all forventning, og mang ein nemndmedlem sukka letta når sola helste god morgon. Vonar at de som deltakarar hadde ei oppleving som stod til forventninga til helga.

Vedlagt finn de resultatlista, sortert etter klasse og med poengsum og ikkje minst diplomen som bevis på godt gjennomført løp.

På vegne av Rudlnemnda;

takkar eg for denne gongen, og ynskjer dykk velkomen attende til neste Rudl’n i 2012!

Venleg helsing

Ruth Kristin T Trå

sekretær

Køyretøy Historisk Klubb Voss har lang erfaring med å arrangere VossaRudl’n og søkte difor om å få arrangere Norgesløpet 2010. Me vart tildelt Norgesløpet og har valt å kombinera Norgesløpet VossaRudln 2010 helga 4. %96 6. juni 2010. Arrangøren er utruleg glad for at så mange har vist si interesse for løpet me arrangerer. I den forbindelse ynskjer me å informera om fylgjande:

Køyretøy Historisk Klubb Voss har alltid sett løpsdeltakaren si oppleving i framsetet. Det er viktig for oss, som arrangør, at deltakaren sit att med eit totalinntrykk av å ha hatt glede og utfordring av å delta i sjølve løpet samt å ha fått opplevd Voss på ein heilt spesiell måte. Det er også viktig at kvar enkelt deltakar kjenner at tryggleiken i forhold til deltakarens køyretøy, andre køyretøy og området rundt vert i vareteke.  

Me har no 158 påmelde til løpet (og 28 som står på venteliste) og av den grunn har me funne det fornuftig å stenge for vidare påmelding både av kvalitetsmessige og tryggleiksmessige årsaker. 

Det har i etterkant av påmeldingsstopp vorte sett spørsmål til om ein arrangør har rett til å setje tak på antal deltakarar.

Arrangøren har sett seg grundig inn i vedtekter for Norgesløpet vedtekne på landsmøtet 2006. Allerede i innleiinga vert det presisert fylgjande:

”LMK ønsker at arrangementet foregår på en rederlig, forsvarlig, effektiv og positiv måte som er til gagn for kjøretøyhobbyen i sin helhet”.

Vidare står det:

”Arrangøren av Norgesløpet må ha deltakernes interesser og trivsel som rettesnor”.

Me viser også til vedtekt pkt 5. Deltakerantall:

”Norgesløpet skal være åpent for minst 100 kjøretøy. Utover dette er det opp til arrangøren å sette en øvre grense ut ifra det som er praktisk gjennomførbart. I utgangspunktet settes tak i de respektive klasser for å gjenspeile bredden i den motorhistoriske bevegelsen.”

(Sjå for øvrig Vedtekter for Norgesløpet i si heilheit på LMK sine heimesider.)

Vonar, såleis, på forståing for at me set eit tak for antal deltakarar. Me trur at dei påmelde vil dra nytte av akkurat dette og at dei vil oppleva eit løp i samsvar, ikkje berre med sine eigne forventningar men også etter Norgesløpet sine vedtekter.

Voss, 28.03.2010

løpssekretær

Køyretøy Historisk Klubb Voss har gleda av å arrangera

Norgesløpet VossaRudl’n 2010

og inviterer med dette til eit løp i kulturhistorisk ramme.

Tema ”50 år sidan bilsal var frigjeve” - ”BIL for ALLE”

Då andre Verdskrigen tok slutt i 1945,var forventningane til etterkrigstida rosenraude også med tanke på bilbransje og bilisme.  Men grunna strenge valutarestriksjonar vart bilbransjen pålagd strenge rammer. Nybilimport og deleimport var sterkt avgrensa; og det oppsto eit enormt  etterspurnadspress etter motoriserte køyretøy %96 både til yrkesbruk og privat.  Denne ”unntaks-situasjonen” varde ved like til 1. oktober 1960; då bilimport og bilsal omsider vart fritt att.

Presset etter motorkøyretøy auka jamt og trutt utetter i 1950-åra; og  gav seg mange og spesielle utslag: Eitt av utslaga var at mangelvara BIL kom til å få uvanleg stor merksemd i samfunnet; -både i yrkessamanheng og i private relasjonar.

Valutarestriksjonane førde til at alt eksisterande bilmateriell som kunne reparerast, blei reparert for å kunna halda seg rullande. Austeuropeiske bilmodellar som Noreg bytta til seg gjennom tosidige varebyteavtalar med kommunistlanda vart selde fritt, og kom til å få ein framtredande plass i norsk vegtrafikk. Og dei mest kreative og teknisk kunnige personane blant oss, presterte faktisk å bygge sin eigen bil; -basert på tilfeldig komponentar og heimelaga konstruksjonar

1960 er såleis eit merkeår i norsk bilhistorie. Den ekstreme bilmangelen frå 1950-åra vart avløyst av fritt bilsal. Døra vart opna for moderne massebilisme i Noreg!

Me set kulturhistorisk fokus på tida kring 1960 med å invitere til gjensyn med bilmodellar frå denne tidsepoken; men ynskjer likevel alle velkomne som deltakarar, innanfor Norgesløpet sine vedtekter.  

Sjølve Norgesløpet går av stabelen laurdag 5. juni

Start på Bømoen leir kl. 11:00, oppstilling kl. 08:30.

Bømoen leir er i seg sjølv ei kulturhistorisk ramme, med heile 26 bygningar som er freda av Riksantikvaren. Norgesløpruta vil denne gongen gå i Vossaområdet. Start- og målgang vil verta i Bømoen leir. Lengda på løpet vert maks 5 - 6 mil.

Me inviterer til eit 3-dagars kulturhistorisk arrangement, Filmkveld/aperitiff fredagskveld, løpet laurdagen og avslutning med vandring i Bømoen leir sundag.

Køyretøy til og med 1980 kan delta, men komiteen tek atterhald om  å avgrensa antal ”nyare”  køyretøy. Maksimalt antal deltakande køyretøy er sett til 150.   Ver snøgg med å senda påmelding! Denne gongen som sist: ”fyrst til mylna får fyrst mala”.

Fyll ut vedlagde påmeldingsskjema og send innan 9. april 2010.

(Etter Norgesløpet sine vedtekter gjeldande frå 2006, skal påmeldingsfristen vera 2 månader før løpsstart.)

Det vert altså ikkje høve til etterpåmelding.

Startkontingenten er på kr 350. Det er ynskjeleg at dette vert førehandsbetalt på giroar utsendt av oss, samtidig med deltakarstadfesting.

Fredag 4. juni

Ettermiddag/kveld vert det framsyning av film i Vossasalen kl 20:00.

Laurdag 5. juni

Norgesløpet VossaRudl’n 2010   Lunsj  undervegs og løparfest i Vossasalen Park Hotel Vossevangen

Sundag 6. juni

Føremiddag vert det ”Byvandring” i Bømoen leir -  omvising og foredrag.

Fredag og sundagsarrangementet vert nærare omtala i programmet.

Løpsprogram vert sendt, elektronisk, like etter påske til påmelde. For dykk som ikkje kan motta dette elektronisk sender me via post.

Overnatting

Løpshotell er Park Hotel Vossevangen %96 bestill overnatting på

5653 1000 eller e-post booking@parkvoss.no.

Fredag til sundag       

Kr. 625.- per pers. per døgn i dobbelt rom inkl. frukost

Kr. 875.- per pers. per døgn i enkelt rom inkl. frukost

Born:   0 %96 4 år gratis i foreldre sitt rom

            5 %96 15 år 50% rabatt i foreldrerommet.

OBS Ved bestilling, opplys at du er deltakar i

Norgesløpet VossaRudl’n 2010..

Festmiddag

Norgesløpet VossaRudl’n har tinga Vossasalen med bordkapasitet inntil 500 personar . Me kan såleis garantera at alle deltakarane får sitja samla i spisesal og delta i felles festprogram.

Middag er kr 485.- pr. pers.

Andre sentrale overnattingsbedrifter er:

Fleischer’s Hotel, www.fleischers.no

Jarl Hotel, www.jarlvoss.no

Eller sjå internett www.visitvoss.no

Klubben er interessert i historisk materiell frå tema- epoken.

Har du kjennskap til noko som kan vera av interesse for andre, har du historiar om køyretøy, foto av alle slags heimebygde køyretøy eller andre historiar frå kjøpeløyve-epoken, er klubben særs interessert i dette.

Per post Øvrebøvegen 14, 5710 Skulestadmo

 eller e-post rk.traa@online.no.

Velkomne til vakre Voss

Venleg helsing Køyretøy Historisk Klubb Voss

PROGRAM FOR HELGA 9. JUNI - 11. JUNI

Fredag 9. juni

• Med 130 ekvipasjar nyttar me maksimalt ferjetilbod på strekninga Vangsnes Dragsvik. Ferjeselskapet Fjord1 har ikkje ferjer å stilla ekstra med, så løpet må nytta vanleg rutegåande ferje.

• Me har vald eit vakkert, perfekt nostalgisk beliggande hotell som ikkje har kapasitet til fleire enn de me håpar på vil melda seg på. Kvikne´s Hotel AS er det perfekte val for eit løp som dette.

• Me har sett talet til 130 då me tykkjer at skulle fleire delta i løpet ville kvar einskilde deltakar ikkje få det inntrykket me ynskjer at deltakarane skal få. Deltakarane skal føla at dei er i dei beste hender, at dei får ekslusiv behandling, at middagen er på plass når det er sagt og at løpet i det heile vert avvikla på ein trygg og sikker måte. Dette får ein kun ved å styra antal deltakarar.

• Kvotering gjev oss også rom for å sikre at alle klasseinndelingane er representert i løpet. Slik at det viser breidda i køyretøy historien.